المقال الثالث: تطبيقات على والدورف بالصور

سلام عليكم 

انهاردة التدوينة دي مفيهاش كلام كتير بس مليانة صور لتطبيقات كتير عن فلسفة والدورف وبالأخص منهج Earthschooling وهو احد مناهج التعليم المنزلي اللي بتتبع فلسفة والدورف 

الصور دي لناس كتيييير اوي وهحطلكوا لينك اي مدونة او صفحة تخص حد فيهم عشان تتابعوهم ونتعلم كلنا منهم ربنا يبارك في وقتهم وجهدهم ويجعله في ميزان حسناتهم جميعا 

الصور بتوضح تطبيقات مختلفة وبشكل مختلف وبخامات مختلفة حبيت اعرضلكم الاختلافات دي عشان تشوفوا ان طريقة التطبيق مش واحدة وممكن كل حد يستخدم خامات غير التاني ويمشي بترتيب غير التاني وكل شخص بيدمج الفلسفات المختلفة مع بعضه حسب المناسب لطفله 

ده الرسم بالوان المياه 

الطبيعة جزء اساسي في والدورف والتمشية في الطبيعة وملاحظتها جزء مهم من روتين اليوم وكمان بيجمعوا من الطبيعة حاجات ويحطوها على رف او طاولة الطبيعة 

نحلة :D

استكشاف الحروف في الطبيعة حرف ال ض (طبعا احنا عملناها للولاد مش كان موجود في الطبيعة بس ده المبدأ عامة اننا ندور حوالينا عن الحاجات اللي خدناها حروف او ارقام او اشكال وهكذا)

دي تطبيقات صفحة رحلة ديما من اهم واقوى الصفحات اللي هتعرفوا منها تفاصيل وتطبيقات كتير عن فلسفة والدورف بصراحة من اكتر الناس اللي بتعلم منهم شخصيا 

https://www.facebook.com/demasjourney/?fref=ts



ودي قناة التيليجرام الخاصة بصفحة رحلة ديما واسمها والدورف بالعربي وفيها دروس مهمة جدااااااا تابعوها هتعرفوا وتفهموا كل حاجة عن والدورف (ملحوظة: القناة للنساء فقط) 

https://telegram.me/waldorfeducation

تطبيقات مجموعة التعليم المنزلي اللي انا منضمة ليها

الحروف بالعجين 

والرسم 

حرف ض جوة رسمة الضفدعة 

اللعب الحر جزء أساسي من روتين اليوم في والدورف اكتر حاجة بتخلي الطفل يبتكر ويخترع بعد كل فترة تركيز في نشاط محدد بتيجي بعدها فترة لعب حر مجرد توفير ادوات والاطفال هيعيشوا حياتهم من غير توجيه 

جنى كانت بتألف قصة وبترسمها :D التعبير بالرسم مهم جدا مهما كان بسيط 

العاشوراء كان الوجبة الخفيفة وطبعا حكينا القصة 

حرف ب في رسمة بومة 

رسمة ديك 

تطبيقات اسراء أبو الدهب وتابعوا صفحة انا والنونو 
https://www.facebook.com/anawalnono/?fref=ts

تطبيقات ام عبيد أوراق شجر وليل ونهار 

تطبيقات اية غريب وتسييح الوان الشمع 

تطبيقات خديجة امين الليل والنهار واوراق الشجر 

تطبيقات سارة سليمان ومدونتها الجميلة اللي هتبتدي معاكم من البداية وهتلاقوا اجابات لكل اسئلتكم 
http://waldorfinspiration.blogspot.com.eg/



دول أقزام بيُستخدموا في شرح العمليات الحسابية
وده ملخص لفكرة الاقزام ترجمة علياء فاروق وطبعا هنغير كلمة الجنيات هنا بس ترجمنا القصة زي مموجودة قبل التعديل  

قصة الماث
١- عندنا اربع شخصيات 
الشخصيات هم ( البلس ،و الماينس ،و الديفايد، و المالتبلاي)
٢- في شخصيات" تانية و هم الجنيات اللي بيشتروا منهم كل اسبوع
٣ -الاقزام كل يوم بيشتغلوا علشان يجمعوا الاحجار الكريمة و الحاجات الرائعة من المناجم المحفورة تحت الارض ،و الجنيات اللي بيجمعوا الحبوب من فوق الارض بيكونوا متشوقين جدا في يوم الراحة بتاعهم انهم يروحوا للاقزام في محلهم الصغير علشان يشتروا من الحاجات الجميلة و الاحجار الرائعة اللي بيجمعوها،و بيشتروها بالحبوب اللي بيجمعوها

 المشي في الطبيعة مع منى خليل 

الخروف بابسط الخامات والطبيعة هدى الرافعي 

جمع أوراق الشجر وعمل قوالب الوان الشمع وعرائس والدورف هند حجازي 

ماشاء الله صفحة جديدة واعدة ربنا يجعله في ميزان حسناتها 
https://www.facebook.com/%D9%83%D8%B1%D8%A9-%D8%A8%D8%A3%D8%AC%D9%86%D8%AD%D8%A9%D9%88%D8%AA%D8%B7%D9%8A%D8%B1-1527536194207232/

المشي في الطبيعة اية الشافعي 

دي صورة مجمعة لتطبيقات منار عزمي وشرحها للصورة 

شهر اكتوبر (الاسبوع الرابع) :
انا سريعا هقولكوا ايه جهزتة للاسبوع ده فى حاجات عملناها حلا حبتها وفى حاجات بدأنا فيها وحلا مكنتش مهتمه بيها فلم تكتمل هنزل صوراللى تم ولو فى حاجه عملناها جديد فى اى وقت هضيفها

اولا : الطبيعة ليلا
1- الحيوانات اللى بتصحى بالليل (كروت تعريفية بها )
2- الزهور اللى بتتفتح بالليل فقط (كروت تعريفية بها )
3-الحشرة المضيئة ليلا (firefly) (كارت تعريفى بها)
4- اعمل بعض الناس يقوموا بها ليلا (صورفى كتب عندى)
ثانيا : أعمال فنية
عمل مصباح
لوحة لليل والنهار
وطواط (لعبة الظل) و (اوريجامى)
بومة (قص ولصق وتلوين ) (ولعبه ظل)

*لوحة الليل بدأنا فها ولسه لم تكتمل بعد

تطبيق صفحة كما ربياني صغيرا وطبعا الصفحة دي لوحدها كنز ماشاء الله مجهود غير عادي تابعوها 

https://www.facebook.com/astheybroughtmeup/?fref=ts

لوحة الليل والنهار 

صفحة من كتاب تفاعلي عن الليل والنهار 

تطبيقات حرف ش مع اميرة سعد وكنز اللغة العربية اللي جمعته في البوست المهم ده 

https://www.facebook.com/Amira.Sa3d.Helwa/media_set?set=a.1293370720702561.1073741970.100000889354076&type=1&l=4d01541ce5

وطبعا اميرة غنية عن التعريف ومدونتها مكعبات 

https://www.facebook.com/moka3abat.Amirasa3d/?fref=ts

طبعا التجميعة دي شغل اسابيع وشهور ومن ناس كتير ربنا يبارك في وقتهم ومجهودهم وان شاء الله كل فترة ننزل تطبيقات اكتر ونثري المحتوى العربي بفلسفات وافكار وتطبيقات اكتر